Brukarkonto for studentar
Brukarkonto
Som student ved UiB må du ha tilgang til datatenester for å kunne gjennomføre studiane dine.
NB! Nye rutiner for sletting av konto frå hausten 2015.
Brukarkonto ved UiB gir deg:
- Personlege sider - Mi side - med bl.a. tilgang til nettbaserte læringsressursar og relevant undervisningsinformasjon
- Eiga e-postadresse med god lagringskapasitet og moglegheit til å bruke e-post i nettlesaren din
- Eige lagringsområde på server med backupteneste
- Tilgang til PC-stover med utskriftsmoglegheiter
- Oppkopling til Internet og UiB sitt nettverk frå eigen PC (ADSL eller trådlaust)
- Tilgang til internett ved andre forskings- og utdanningsinstitusjonar via Eduroam
Nye studentar
Når du har tatt imot tilbodet om studieplass og registrert deg, må du sjølv opprette ein brukarkonto. Det gjer du ved å gå inn på sebra.uib.no. Klikk på "Student" under "OPPRETT KONTO" og følg instruksjonane der for å laga konto. I sebra.uib.no kan ein også bytte passord.
Dette bør du gjere så raskt som mogleg etter at du har registrert deg. Merk at det kan ta inntil ein time frå du har registrert deg til du kan opprette brukarkonto.
NB! Nye studentar som er tatt opp gjennom samordna opptak kan ikkje semesterregistrere seg (og dermed ikkje opprette konto) før semesteret startar.
Du må ha fødselsnummer, studentnummer og pinkode for å kunne opprette brukarkonto. Studentnummer og pinkode finn du på tilsendt giro for betaling av semesteravgift. Sørg for at du har desse tilgjengeleg.
OBS! Dersom du ikkje har betalt semesteravgifta innan 1. september vil brukarkontoen automatisk bli avslutta.
Les meir om UiBs regler om oppretting, anvendelse og sletting av brukerkonti for studenter på UiBs IKT-anlegg
